Saturday, June 16, 2012

എന്തിനു നീ ???

നീ എനിക്ക് വച്ച് നീട്ടിയതെല്ലാം നിന്റെതായിരുന്നില്ല..
എന്നിട്ടും നീയെന്റെ സ്വപ്‌നങ്ങള്‍ പിടിച്ചു വാങ്ങി..
നിന്റെ ചക്രങ്ങള്‍ക്കുരുണ്ട് നീങ്ങുവാന്‍ വിരിച്ച പരവതാനിയില്‍..
എന്റെ ജീവനും ഉണ്ടായിരുന്നു..
നിന്റെ യാത്രയില്‍ ചതഞ്ഞ്  അരയുന്നത്  എന്റെ ജീവനും കൂടിയാണെന്നുള്ളത്   നീയോര്‍ത്തില്ല    ..
എന്നില്‍ നിന്നും നീ പിടിച്ചു വാങ്ങിയ എന്റെ പ്രണയം,എന്റെ സ്വപ്‌നങ്ങള്‍..
എല്ലാ. എല്ലാം..എന്റെ മിഴിക്കോണിലൂടൊഴുകിയപ്പോള്‍ ..
നിന്റെ മുഖത്തെ ചിരി ഞാന്‍ കണ്ടിരുന്നു..
എന്നെ നിനക്കിഷ്ടമാല്ലെങ്കില്‍ എന്നെ നീയെന്തിനു സൃഷ്ടിച്ചു..

Friday, June 8, 2012

നിനവിലില്ലാത്ത ഓര്‍മ്മകള്‍ ..




"പാടാത്ത പാട്ടുകളിനി ബാക്കിയില്ലാ ...
 എഴുതാത്ത വരികളിനി ബാക്കിയില്ലാ..
എങ്കിലുമൂറും മഷി തണ്ടിന്‍ നനവെന്റെ..
നഷ്ട ബോധത്തിന്റെ ബാക്കിയല്ലാ...
എന്റെ കണ്ണില്‍ നിറയുന്ന അശ്രുവല്ല.."


മഴവില്ല് മോഹിച്ച വാനത്തിന്‍ നെഞ്ചിലെ..

എരിയും  നേരിപ്പോടിന്‍  നീറ്റലില്ലാ ..
നിന്നെ അലിയിച്ച മഴക്കാറിനോടും..
തെല്ലും പരിഭവമേതുമില്ലാ ..


നീയെന്ന ചിത്രത്തിലൊരു വരയായി മാറുവാന്‍..
കൊതിയോടെ നിന്നതിന്നെന്‍ നിനവിലില്ലാ ..
നിന്നെ ഞാന്‍ പ്രണയിച്ചുവെന്ന സത്യം..
 നുണയെന്നു ചൊല്ലുവാന്‍ മടിയേതുമില്ല..